Познатата компанија за фотоапарати компанија „Polaroid“ ги претстави првите паметни телефони за време на саемот „CES“ во Лас Вегас.
Тие се од серијата „Polaroid Power“ и „Polaroid Snap“ и се одликуваат со големина на дисплеите помеѓу 5 и 6 инчи. Во 2001-ва година компанијата банкротираше, но успеа да го закрепне бизнис во последните неколку години, па ја прошири својата палета. Производството и дизајнот на смартфоните се дело на компанијата „Southern Telecom“. И додека уредите не се одликуваат со којзнае какви технолошки достигнувања, главна точка во нивната продажба ќе е релативно ниската цена.
Најскапиот модел на компанијата е „Polaroid Power“. Тој е со 6-инчен HD дисплеј, 3 GB RAM меморија и 32 GB внатрешна. Меѓу неговите најзначајни компоненти е 13-мегапикселната задна камера со двоен LED-блиц, како и 8-мегапикселна предна камера. Капацитетот на батеријата е исто така задоволителен при ниво од 3.000 mAh. Уредот е позициониран во средниот ценовен опсег при ниво од 249.99 долари.
Другите модел од серијата „Snap“ ќе се одликуваат со quad-core процесор, 2 GB RAM меморија и 16 GB внатрешна меморија. Резолуција на екранот им исто така ќе е HD. Заднaта камера повторно е 13 мегапикселна, а предната од 5 мегапиксели.
