Премиерата на новата генерација на „Mercedes-Benz E-Class“ ќе се случи за неколку дена во Детроит, но уште денес можеме да видиме како изгледа моделот. Распространетата галерија со слики го открива како екстериерот, така и внатрешноста на германската лимузина.
Дизајнот на целосно новиот „E-Class“ не е изненадување, бидејќи е многу близок до оној на веќе прикажаните „S-Class“ и „C-Class“. Разликата е во масовната решетка на ладилникот, првите светла со две „LED“ секции и оние „LED“ од позади со хромирана лајсна меѓу нив.
Слични со новите „S-Class“ и „C-Class“ се и решенијата во внатрешноста. Може да се видат два големи екрани, едниот ги заменува апаратите на таблата со инструменти, а другиот, кој се наоѓа на централната конзола, е одговорен за инфо-забавниот систем на возилото.
Официјална информација за техничките параметри на новиот „Mercedes-Benz E-Class“ не е достапна, но германското издание „Auto-Presse“ наведува дека моделот има коефициент на влечење од само 0,23. Должината пак достигнува 4923 см.
Се очекува дека на премиерата, моделот ќе биде претставен со еден дизел и еден бензински мотори. Дизелот е целосно нов со зафатнина од 2,0 литри и моќност од 200 КС, а ќе троши во просек по само 3,9 л / 100 км. Бензинот е со зафатнина од 2,0 литри, но во моментот нема информации за силата.
Во подоцнежна фаза новиот „E-Class“ ќе треба да предложи и хибридна верзија – „E350e“. Тој ќе се потпира на 2.0-литарски бензински агрегат, електромотор и батерии кои можат да се полнат на електричната мрежа. Вкупната моќност на системот ќе биде 280 КС.
Во палетата на моделот ќе се најдат уште два дизели со 150 и со 258 КС, како и два бензинци со 183 и 333 КС.
Сите детали за новиот „Mercedes-Benz E-Class“ ќе станат јасни на 11-ти јануари, кога автосаемот во Детроит ќе ги отвори вратите за посетители.