Новите смартфони на „Microsoft“ – „Lumia 950“ и „950 XL“, се на пазарот само еден месец, а во компанијата веќе работат напорно за подготовка на нов модел.
Според шефот на маркетинг одделот на американската компанија Крис Капосела, „Microsoft“ подготвува „иновативен“ паметен телефон кој ќе направи она на пазарот, што го направија хибридните уреди „Surface“ кај лаптопите. Овој нов производ ќе биде надвор од линијата „Lumia“ кај смартфоните на компанијата.
И иако Капосела се ограничи да каже дали новиот уред ќе биде со името „Surface“, пазарните експерти сметаат дека случајот е токму таков. Новиот паметен телефон се очекува да е дел од големите напори на „Microsoft“ за мост помеѓу оперативниот систем „Windows 10“ на смартфоните и хибридниот мобилен уред кој е со моќноста на лаптоп.
Во моментов, со помош на мобилен „приклучок“, смартфоните „Lumia 950“ и „950 XL“ може да се создаде чувство за работа со персонален компјутер со користење на надворешен монитор и периферни уреди. Ова вклучува препознавање на глувчето и одржување на многу од командите за директни патишта на тастатурата, добро познати на корисниците.
Сепак смартфоните се уште не достави целосна функционалност на „Windows“ средината, ограничена до голема степен до апликации, како „Word“ и „Excel“. Други апликации, како „Netflix“ и „Twitter“, не работат на голем екран. Истовремената работа со неколку апликации, исто така не е слична на онаа при работа со компјутер.
Хибридната линија „Surface“ ја промени замислата за тоа што еден таблет може да прави. Па така нов паметен телефон од линијата е целосно можен и потребен, за да стане „Microsoft“ главен играч во сегментот, сметаат пазарните експерти.
