Јапонската компанија „Fujitsu“ во официјално соопштение објави дека одлучила да ги раздвои своите „PC“ и мобилни оддели во две посебни компании.
Како причина за ваквиот потег во компанијата ја наведуваат моменталната состојба на пазарот на кој е присутна „комодизација“, поточно претворање на компјутерите и паметните телефони во стока за широка потрошувачка без премногу иновации.
Другата причина е моменталната организациска состојба во компанијата која не поттикнува од диференцијација и компетитивност во однос на другите производители на пазарот (од кои некои од нив, како што е „Hewlett Packard“, исто така одлучија да ги одделат своите оддели во посебни компании).
Поради тоа од 1-ви февруари 2016-та година одделот на „Fujitsu“ за десктоп и преносни компјутери ќе го одвои во посебна компанија под името „Fujitsu Client Computing Limited“, додека мобилниот оддел ќе биде посебна компанија која ќе се нарекува „Fujitsu Connected Technologies Limited“.
