Со цел да се осигура дека нивниот „пик-ап“ ќе остане конкурентен на моделите како што се „Nissan Navara“ или „Toyota Hilux“, „Volkswagen“ во 2016-та ќе претстави редизајн на актуелниот „Amarok“.
Според информациите се наведува дека германскиот производител нема да се задржи само на козметички интервенции на надворешноста, туку ќе го подобри и ентериерот на возилото.
Промените во внатрешноста ќе опфатат и нов мултимедијален уред со „Android Auto“ и „Apple CarPlay“ системи за интеграција на мобилните телефони.
Како и обично кога станува збор за редизајн на некој модел, на купувачите ќе им бидат понудени и нови бои и дезени на навлаките и тапацирот, а се наведува дека „Amarok“ зa 2016-та ќе има и дополнителни системи за активна безбедност.
Најмногу стилски промени треба да се очекуваат на предниот дел – маската на ладилникот и фаровите, со дискретен редизајн на стоп светлата и задниот браник.
Палетата на мотори ќе биде превземена од актуелната верзија со мали подобрувања на полето на ефикасноста.
