Вчера се појави информација дека компанијата „HTC“ би можела да го претстави „HTC One X9“ за католичкиот божиќ. Тоа и се случи на официјалната страна на овој производител на кинескиот сајт на компанијата „HTC“.
Телефонот „HTC One X9“ го позајмува дизајнерскиот јазик од „HTC One A9“, но со одредени разлики. Тоа што треба веднаш да се истакне е дека смартфонот се одликува со 5,5-инчен „IPS“ екран со резолуција од 1080p, како и „Android“ платформата (не е откриено која верзија) со „Sense“ корисничкиот интерфејс.
Во куќиштето се наоѓа „MediaTek Helio X10“ (MT6795T) чипсетот со осумјадрен 64-битен процесор и „PowerVR G6200 GPU“, a покрај тоа има и 3 GB RAM и 32 GB интерна меморија, камера од 13 мегапиксели со двоен „LED“ блиц, како и „BSI“ сензор и оптичка стабилизација на сликата, 4G LTE / 3G HSPA+, Wi-Fi a/b/g/n/ac (2.4 & 5 GHz), Bluetooth 4.1 и GPS + GLONASS опција за поврзување и батерија од 3000mAh.
Уредот уште го одликуваат и „BoomSound“ звучници со „Dolby“ аудио. „HTC One X9“ наскоро ќе се најде во продажба во Кина по цена од 370 долари, а се очекува во блиска иднина да се појави и на останатите пазари.
