„Samsung“ својот најнов премиум телефон, „Galaxy S7“, најверојатно планираше да го претстави кон крајот на февруари 2016-та година, но најголемиот кинески мобилен оператор, „China Mobile“, објави дека тоа ќе се случи во март. Се шпекулира дека точниот датум би можел да биде на 18-ти март.
„China Mobile“ исто така откри дека „S7“ ќе пристигне во класичната и во „Edge“ верзија, а и дека овој телефон во истовреме ќе биде достапен ширум светот.
Најголемиот кинески мобилен оператор откри дека најосновната верзија на овој телефон ќе чини околу 650 долари.
Засега се шпекулира дека „Galaxy S7“ ќе пристигне со „AMOLED“ екран од 5,2 инчи, „Snapdragon 820“ или „Exynos 8890“ процесори (во зависност од моделот), задна камера од 20 мегапиксели со „RGBW-pixel Britecell“ сензор, а сето тоа ќе биде спакувано во куќиште од магнезиум кое ќе изгледа идентично како кај овогодишниот „S6“ модел.
