Бидејќи купувачите веќе го „разграбаа“ моделот „McLaren 675LT Coupe“, сличната судбина ја доживеа и верзијата со отворен покрив. Сите 500 планирани примероци веќе ги пронајдоа своите сопственици, но тие ќе мораат да бидат трпеливи со оглед дека првиот автомобил ќе биде испорачан тек во летото 2016-та.
Автомобилот кој претставува помоќна, подолга, но и полесна верзија од „McLaren 650S“, опремен е со 3.8-литарски „V8 twin-turbo“ мотор кој произведува 675 ks (496 kW) и развива 700 Nm максимален вртежен момент.
„McLaren 675LT Spider“ од место до „стотка“ забрзува за 2,9 секунди, a максималната брзина изнесува 326 km/h.
При конструирањето инженерите на британскиот производител имаа на ум суперавтомобил кој може да се истакне и на тркачка патека.
Погледнете како зад управувачот на „McLaren 675LT Spider“ се снајде поранешниот возач на Формула 1, Бруно Сена: