„Skoda“ го промени името на вториот кросовер во својата гама. Се очекуваше теренецот да се нарекува „Snowman“, но наместо тоа, ќе го добие името „Kodiak“ – раса кафеави мечки, објави „Auto Bild“.
Премиерата на моделот ќе се случи во текот на автосаемот во Париз во септември 2016-та година кросовер ќе се нуди во две модификации – со 5 и со 7 седишта, а дизајнот ќе биде во стилот на концептниот „Vision C“.
Познато е уште дека теренецот на „Skoda“ ќе биде изграден на платформата, користена за втората генерација на „Volkswagen Tiguan“. Германскиот модел исто во подоцнежна фаза ќе се појави и во верзија со 7 седишта.
Што се однесува до моторите – „Kodiak“ ќе добие бензински мотори со моќност меѓу 150 КС и 220 КС. Дизелите ќе се 2,0-литарски со 150 и 184 КС. Не се исклучува и хибридна дизел-електрична модификација.
