Најголемиот индиски производител на смартфони „Micromax“ го претстави својот прв паметен телефон од висока класа – моделот „Yu Yutopia“.
Уредот се одликува со куќиште од висококвалитетен магнезиум и алуминиум, обезбедувајќи цврстина со до 90% поголема од тоа при користењето на поликарбонати. Смартфонот е со 5.2-инчен дисплеј со стакло „Gorilla Glass 4“ и резолуција од 1.440 х 2.560 пиксели. Густината му е 565 точки по инч.
Во однос на процесорот е употребен „Snapdragon 810“, кој е осумјадрен со фреквенција од 2 GHz. Оперативната меморија на смартфонот е 4 GB, а внатрешната е во износ од 32 GB. Задната камера е 21 мегапикселна со сензор „ExmorRS IMX230“, а предната е со резолуција од 8 мегапиксели.
Батеријата е со капацитет од 3000 mAh, а постои можност за брзо полнење – до 60% за 30 минути. Оперативниот систем е „Cyanogen 12.1“ базиран на „Android 5.1.1“. Тој ќе добие надградба наскоро кон „Cyanogen 13“, која ќе е базиран на „Android 6.0“. Смартфонот е со дебелина од 7,2 мм и тежи 159 грама.
Уредот ќе е со цена од 376 долари, a ќе започне да се испорачува од 26-ти декември.