„Beta“ верзијата на „Viber“ апликацијата за „Windows Phone“ е објавена пред скоро една година и е вистинско разочарување од самиот почеток. Самата апликација добро работеше, но не ја нудеше опцијата за повикување што е главна карактеристика на „Viber“, па поради тоа на крајот беше преименувана во „Viber Messanger“.
Но според последните информации вистинската апликација на „Viber“ е пратена на одобрување и наскоро би можела да се најде на „Windows Phone Store“. Извршниот директор на компанијата, Талмон Марко изјавил дека апликацијата е предадена на „Microsoft“ и дека очекуваат целата процедура во брзо време да биде завршена. Како што се истакнуваат од „Viber“ таа би можела да се појави во рок од 24 часа.
Овој пат„ Viber“ за „Windows Phone“ ќе има опција и за повикување, а дури ќе има можност и за конференциска врска. Да биде работата уште подобра „Viber“ нема да биде ограничен на поедини уреди, како што е случај со некои апликации на „Windows Phone“.
