Истражувачката компанија „IDC“ тврди дека падот во продажбата на таблети ќе им наштети на уредите со „Android“, но ќе им помогне на оние со оперативниот систем „Windows“. И покрај големите модели како што се „Microsoft Surface Pro 4“ и „Apple iPad Pro“, „IDC“ верува дека падот на испораката на таблети ќе продолжи и во овој квартал.
Но, „IDC“ предвидува и промени во пазарните трендови, со пазарна транзиција од самостојните таблети во монтажните хибриди. Според „IDC“ хибридите ќе бидат таблетите на иднината и дека овој сегмент ќе има раст од дури 75 посто во 2016-та година во однос на оваа година.
Овие уреди се користат се повеќе и повеќе поради зголемената продуктивност, а овој тренд има влијание на тоа кои големини на таблети и платформи ќе доминираат на пазарот. Таблетите се бескорисни за вакви задачи и затоа ќе изумрат.
Големините меѓу 9 и 13 инчи се идеални, додека и моделите со големини помеѓу 13 и 16 инчи исто така ќе го зголемат својот удел за нешто повеќе од двојно, препорачува „IDC“. Според „IDC“ до 2019-та година таблетите со „Windows“ ќе го зголемат својот удел на 20 проценти.
