29 март, 2024
ПочетнаКОМПАНИИГорење повторно ќе го произведува велосипедот Пони

Горење повторно ќе го произведува велосипедот Пони

pony_pixabay

Словенечкиот производител на бела техника Горење најави дека ќе започне со производство на велосипедот од брендот Рог, бидејќи од моменталнот приватен сопственик ќе го откупи правото на назив на брендот за повеќе од 40.000 евра.

Приватниот сопственик брендот го откупил од некогаш познатата љубљанска фабрика за велосипеди Рог која во 2009 година заврши во стечај, а подготвен е да се откаже од правата на интелектуална сопственост за 41,500 евра.

„Горење има знаење и искуство кое можеме да го употребиме за ревитализација не еден од најпознатите словенечки индустриски брендови“, изјави директорот на Горење, Фрањо Бобинац, потврдувајќи дека Горење ќе започне да произведува велосипеди, пренеусва Деловен дневник.

„Горење во проектот за обнова на сјајот на стариот бренд на словенечки велосипеди кои беа познати на просторите на поранешна Југославија влегува со љубљанскиот трговски центар БТЦ како партнер“.

Првиот велосипед од новата генерација на пазарот ќе се појави во 2017 година. Најпрвин ќе се работи на модерната верзија на некогаш мегапопуларниот велосипед Пони од модерни материјали и со подобрена ергономија, а една година подоцна може да се очекува и велосипед за планинско и градско возење, како и електричен велосипед.

До доцните 80-ти години од минатиот век фабриката за велосипеди Рог произведуваше 300 до 350 илјади велосипеди годишно, но по распадот на заедничкиот југословенски пазар и евтиниот увоз од далечниот исток западна во тешкотии и пропадна.

НАЈНОВИ ВЕСТИ

ХОРОСКОП