САД, поднесоа нови обвиненија против високи функционери на ФИФА, како дел од истрагата за корупција во Меѓународната фудбалска федерација.
Швајцарските власти, во четвртокот во Цирих, ги уапсија претседателите на КОНКАКАФ и КОНМЕБОЛ , по барање на американските власи, кои подоцна поднесоа обвиненија против 16 лица.
Меѓу обвинетите за примање на поткуп се наоѓа и поранешниот претседател на Фудбалската федерација на Бразил, Рикардо Тешеира, како и челници од Хондурас, Гватемала, Ел Салвадор, Перу, Еквадор, Боливија…
Акцијата на американските и швајцарските власти трае од мај оваа година, кога без уапсени првите осумничени. Досега во истрагата за ‘перење на пари, рекетирање и примање на поткуп’, се поднесени 92 обвиненија, а се шпекулира дека во оваа корупциска афера се ‘свртени’ повеќе од 200 милиони долари.