Манчестер Јунјатед би можел во следниот преоден рок во своите редови да го доведе Тиаго Алкантара, играчот на Барселона.
Таткото на Алкантара соопшти дека неговиот син ќе го напушти клубот, а со тоа ја разбуди надежта на Јунајтед за доведување на младиот играч кој го следат веќе три години.
Барселона пред 18 месеци ја одби официјалната понуда на Манчестер од 15 милиони фунти за младиот фудбалер.
Алкантара сака место во првиот тим, но тоа неможе да го избори во тимот на Барселона, па така тој е подготвен да побара нов клуб каде ќе има поголема минутажа.
„Мојот син би можело да игра многу повеќе во било кој друг тим во светот. Тој многу учи тренирајќи со најдобрите фудбалери во светот, но Тиаго е амбициозен и сака да игра“, изјавил неговиот татко.
Младиот Шпанец дебитираше во 2009-та година за Барселона на средбата против Мајорка.