Екипата на Реал Мадрид на крајот од сезоната ја очекува сериозно реновирање на тимот. Според моменталната состојба во тимот „кралевите“ најверојатно ќе се осободат од шест фудбалери, додека на „мета“ на Реал се најдоа пет играчи.
На крајот од оваа сеозна со сигурност си заминуваат Рикардо Карваљо и голманот Антонио Адан кои ќе бидат ослободени од обврските, но тука е и Микел Есиен кој ќе се врати во Челзи по позајмицата во Мадрид.
Се шпекулира дека за одредена сума на пари редовите на Реал може да ги напуштат и Кака, Раул Албиол и еден од напаѓачите, Гонзало Игуаин или Карим Бензема.
Според информациите „кралевите“ се заинтересирани за неколку играчи кои сакаат да ги доведат во своите редови, а како најсериозни кандидатите се споменуваат Герет Бејл од Тотенхем, Иско од Малага, Даниел Карвахал од Баер Леверкузен, но и Серхио Агуеро од Манчестер Сити.