Реал Сосиедад кој во понеделникот му врачи отказ на тренерот Дејвид Мојс, го именуваше Еусебио Сакристан, за нов шеф на стручниот штаб.
Екипата од Сан Себастијан, поради поразот од Лас Палмас реши да му врачи отказ на Мојс, кој на „Аноета“ пристигна пред една година и минатата сезона го освои 12-то место во Примера. Оваа сезона Реал Сосиедад игра во лоша форма и по 11 натпревари има освоено исто толку бодови.
Мојс предходно имаше неславна епозода во Манчестер Јунајтед, откако цели 11 години ја градеше репутацијата во Евертон.
Сакристан (51) никогаш досега самостојно не водел екипа од Примера, во кариерата бил помошник тренер во Селта од Виго и тренер на Барселона Б. Сакристан со Реал Сосиедад потпишал договор до крајот на сезоната.
