Играчот на Џенова Горан Пандев, кој го најави своето враќање во фудбалската репрезентација на Македонија, поради повреда нема да допатува во Скопје.
Македонија на 12. и 15.ноември, под водство на новиот селектор Игор Ангеловски ќе одигра контролни натпревари против Црна Гора и Либан.
Пандев пред две недели го повреди бутниот мускул, поради повредата ќе отсуствува уште најмалку десет дена од фудбалските терени.
„Жал ми е што нема да можам да пристигнам на собирот на репрезентацијата иако тоа го најавив по разговорот со селекторот Ангеловски пред две недели во Џенова. Повредите се составен дел од фудбалот, а во овој период се опоравувам од повреда на задната ложа. Во понеделник во Милано заминувам на снимање со магнетна резонанца и во консултација со тренерот Џан Пјеро Гасперини и со лекарскиот тим на Џенова кој даде препорака да не патувам, одлучивме дека сега е најдобро да се фокусираме на здравјето со надеж дека брзо ќе се опоравам и ќе конкурирам за место во тимот. Селекторот Ангеловски ја знае ситуацијата со повредата, ја разбра ситуацијата и се договоривме дека нема да форсираме ништо“,изјавил Пандев за официјалната интернет страница на ФФМ.
Пандев во репрезентацијата на Мекадонија дебитираше во 2001 година, за националниот тим има одиграно 75 натпревари и постигнато 26 голови.