Напаѓачот на Барселона Нејмар на фановите на клубот им порачал дека ќе потпише нов договор со актуелниот европски првак.
Изминатиот преоден рок се шпекулираше дека Нејмар би можел да се пресели во Манчестер Јунајтед, а тој самиот потврди дека имало разговори со англискиот клуб.
„Започнаа преговорите околу новиот договор. Имам уште неколку години од стариот договор, но ќе потпишам нов“, рекол Нејмар.
Бразилецот во Барселона пристигна во јуни 2013-та година и на 67 натпревари постигнал 46 голови. Нејмар во саботата, во победата на Барса над Рајо Ваљекано (5:2), постигна четири гола.
