Белгиецот Тибо Куртоа го повредил коленото поради што ќе мора да паузира два месеци, пренесуваат англиските медиуми. Голманот на Челзи се повредил на првиот тренинг по репрезентативната пауза.
Куртоа ќе пропушти седум натпревари на својот тим, четири во Премиерлигата (Евертон, Арсенал, Њукасл, Саутемптон), две во Лигата на шампионите (Макаби, Порто) и еден во Лига купот (Волсал).
Голот на Челзи во наредниот период ќе го брани Асмир Беговиќ кој во преодниот рок на „Стенфорд Бриџ“ пристигна од Стоук.
