Аднан Јанузај го напушти Манчестер Јунајтед и во наредната сезона како позајмен играч ќе настапува во Борусија Дортмунд.
Јанузај не успеа да се избори за место во првиот тим на Луј ван Гал па реши да замине во Бундеслигата, во новиот тим тој ќе го носи дресот со број девет.
Во исто време уште еден играч на Јунајтед реши кариерата да ја продолжи во германската Бундеслига. Мексиканецот Хавиер Ернандез Чичарито е последното засилување за Баер Леверкузен, екипа која сезонава ќе игра во Лигата на шампионите.
Леверкузен на Јунајтед за трансферот на Чичарито му плати 12 милиони фунти.
