Германскиот кошаркарски репрезентативец Мајк Цирбес ќе го пропушти Европското првенство поради повреда на скочниот зглоб, соопшти неговиот менаџер Миодраг Ражнатовиќ.
Цирбес кој е член на АБА шампионот Црвена ѕвезда се повредил на контролниот натпревар со селекцијата на Летонија, а колку ќе отсуствува од терените ќе биде познато до крајот на неделата.
Германија на Евробаскетот ќе биде домаќин на групата во Берлин, во која уште играат репрезентациите на Шпанија, Србија, Италија, Турција и Исланд.
