Поранешниот ракометар на Металург, Павел Атман, кариерата ќе ја продолжи во Белорусија, во екипата на Брест Мешков. Белорускиот шампион на својата интернет страница потврди дека Атман потпишал двегодишен договор.
Рускиот репрезентативец беше играч на Металург од 2013-та година сé до минатата есен, кога поради кризата во која се најде клубот од Автокоманда побара раскин на договорот.
Атман договорот го раскина во февруари годинава, а потоа неколку месеци играше во Катар.
