Потрошувачките цени на мало во Словенија се намалија во јуни оваа година за 0,7 проценти на годишно ниво, во однос на мајскиот минус од 0,5 проценти, што е шести последователен месец во кој земјата бележи дефлација, бидејќи цената на горивата и понатака врши притисок на инфлацијата.
Растот на цените на мало во јуни на месечно ниво изнесувше 0,1 проценти, објави словенечкиот завод за статистика, пренесува агенцијата СТА.
Цените на нафтените деривати најмногу придонесоа за падот на просечните цени на годишно ниво, при што течните горива поевтинија за 11,7 проценти а нафтените деривати и масла за 8,3 проценти.
Од друга страна, поттик на растот на инфлацијата најмногу даде поскапувањето на овошјето од 13,4 проценти во просек, додека цените на храната на месечно ниво паднаа за 9,7 проценти.
