Руската централна банка дополнително во понеделникот ги снижи клучните каматни стапки за еден отстотен поен, на 11,5 отсто, за да ја поттикне економијата погодена од западните санции и пониските цени на нафтата.
Ова е четврто намалување на каматните стапки годинава, откако централната банка кон крајот на минатата година драматично ги зголеми на 17 отсто за да сопре остар пад на вредноста на рубљата.
Банката најновото намалување го образложи со „тврдокорните ризици од значително забавување на економијата“, предвидувајќи дека БДП-то оваа година ќе се намали 3,5 отсто.
Стравувањето од наглото јакнење на инфлацијата стивна, констатира централната банка, а во изминатите месеци постепено се намалуваа каматите за да живне економијата.
