УЕФА ги објави носителите на групите за следната сезона во Лигата на шампионите меѓу кои го нема Реал Мадрид.
Имено, УЕФА реши од наредната сезона носители да бидат шампионите на седумте држави кои имаат најголем УЕФА коефициент и бранителиот на титулата. Бидејќи во годинешното финале ќе играат Барселона и Јувентус, кои веќе ги освоија титулите во своите првенства, тогаш носител ќе има и осмата држава според коефициентот, во случајов тоа е холандската.
Носители на групите во сезоната 2015/2016 ќе бидат Барселона, Челзи, Баерн Минхен, Јувентус, Бенфика, ПСЖ, Зенит и ПСВ Ајндховен.
Во вториот шешир, кој се одредува според клупскиот коефициент ќе се најдат Реал, Атлетико, Порто, Арсенал, Манчестер Сити, Манчестер Јунајтед, Валенсија и Баер Леверкузен.
