Чилеанскиот стручњак Мануел Пелегрини ќе остане менаџер на Манчестер Сити и во наредната сезона, откако тренерот на Баерн, Пеп Гвардиола одби да ги преземе Граѓаните, пренесе Daily mail.
Британските медиуми веќе подолго време пишуваа дека Пелегрини веќе е поранешен тренер на Сити, но дека ќе остане на клупата до крајот на годината.
Оваа сезона не успеа да му конкурира на Челзи во борбата за титула во Англија, додека во Лигата на шампиони испадна од Барселона во осминафиналето.
Чилеанецот дојде во Сити во 2013 година, а освои по една титула во Премиерлигата и во Лига купот.
