Раководството на Оклахома Сити Тандер му врачило отказ на тренерот Скот Брукс, пишува новинар на Yahoo Sports повикувајќи се на извори во НБА лигата.
Брукс прв тренер на Оклахома беше од 2008 година, а оваа година не успеа да избори пласман во плејофот. Оклахома која поголемиот дел од сезоната го одигра без Кевин Дурент во последниот натпревар остана без пласман во разигрувањето.
Скот Брукс во 2010 година беше прогласен за тренер на сезоната во НБА лигата, во сезоната 2011/2012 стигна со својот тим до големото финале во кое беше поразен од Мајами.
