Од ова овошје можете да правите сок, чај, џем, слатко… меѓутоа, она што е најважно е дека во свеж и сушен облик тоа е неверојатно здраво.
Плодот брусница се користи во народната медицина уште од 16-тиот век. Брусницата содржи бројни витамини, минерали, антиоксиданти и органски киселини. Брусницата денес се одгледува ширум Европа. Расте како грмушка со темнозелени листови и височина од 10 до 40 сантиметри и крие мали зеленкасти плодови кои кога ќе созреат добиваат темноцрвена боја.
Брусниците се богати со антиоксидантите антоцијанин и проантоцијанин, за кои се смета дека помагаат во чувањето на здравјето на очите, а добро е познато делувањето на брусницата и во лекувањето на уринарните инфекции.
Бројни научни студии докажаа дека нејзините состојки, фруктозата и проантоцијанинот, спречуваат развој на бактерии, како што е Ешерихија коли, на ѕидовите од жолното кесе и уринарниот тракт.
Брусницата има повеќе лековити дејства, ова се некои од нив:
– штити од уринарни инфекции
– спречува развој на бактерии
– ја зголемува отпорноста на организмот
– штити од неколку видови на рак
– го чува здравјето на очите
– помага при гихт и реума
– штити од кариес и проблеми со непцата
Примена на брусниците
Од брусниците може да се направи сируп и мармалад, сок, се користат во колачи, торти и други десерти, може да се исушат, а може и да се замрзнат свежи, иако во овој случај губат дел од своите нутритиенти.
Од брусниците може да се направи вкусен чај, а неговата подготовка е многу едноставна.
Една кафена лажичка плодови ставете ја во врела вода, поклопете и оставете да отстои 5 до 10 минути. Потоа процедете го чајот и испијте го додека е топол.
Чајот од брусница се пие против ревматични болки, и како превенција за болести на крвните садови и туморски заболувања.
За лечење на повратни уринарни инфекции се користи сув екстракт на брусница во прав, капсули или таблети.
Од брусниците може да се направи и свеж, неразреден сок кој се пие во количина од 500 мл, два пати во денот. За спречување на наслаги на забите и кариес, добро е да се пие напиток од 3 делови сок од брусници и 7 делови вода.
Брусницата не се препорачува на лицата кои пијат лекови против згрутчување на крвта.
