Германската „Deutsche Bank“ се подготвува да се раздели со операциите на мало на „Postbank“ што ќе е најновиот потег на реструктуирање на една од најголемите светски банки во одговор на „болните“ пазари и голем број хаотични нови регулативи наметнати по финансиската криза, пишува „Financial Times“ (FT).
Откако со месеци го анализираа бизнисот, менаџментот на „Deutsche Bank“ ги сведе можностите за подобрување на враќање на операциите на банката до две варијанти, како и двете бараат разделба со „Postbank“, пишува британскиот весник, повикувајќи се на свои извори.
За такво сценарио изданието напиша уште во јануари.
„„Deutsche Bank“ размислува одвојување на банкарството на мало од основната дејност по притисокот од германските регулатори, кои инсистираат на доверителот да го намали нивото на долгот и да престане да ги користи собраните депозити од корисниците за финансирање на инвестициони операции“, напиша тогаш „FT“.
Можната разделба со „Postbank“, која има 1.100 филијали и беше купена на неколку фази за вкупно 6 милијарди евра во 2008-ма година, би бил најголемиот стратешки чекор за банката при управувањето на двајцата нејзини директори – Јирген Фитчен и Аншу Џејн.
Според размислуваното сценарио на првиот, „Deutsche“ ќе ги продаде акциите на „Postbank“, 6% од кои ќе останат на берзата, во следните 18 месеци, и ќе ги префокусира нејзините останати филијали со нејзината сопствената марка кон плажноспособните клиентите.
Во исто време активата во нејзината инвестициска банка ќе бидат намалени за околу една петтина, или 160 милијарди евра. Тоа најверојатно ќе влијае на бизнисот со трговијата со каматни производи и основните брокерски операции кои страдаат поради новите правила по „Базел III“.
Второто, порадикално сценарио вклучува поделба на „Deutsche“ на две одделни правни лица. Едното ќе вклучува инвестициското банкарство, повереничко управување и глобалното банкарство, а второто правно лице ќе го преземе банкарство на мало.
Покрај сето „Deutsche Bank“ се соочува со притисок од страна на регулаторните органи да го зајакне својот сооднос потпора – мерачот на задолженоста, кој изнесува, капиталот спрема вкупната актива. Индикаторот се зголеми минатата година за 3,2 отсто по продажба на акции во вредност од 8 милијарди долари, но се уште значително заостанува според големината со главните конкуренти.
Голем број аналитичари сметаат дека „Deutsche“ треба да размисли за целосно одвојување на банкарството на мало, за да стане целосно инвестициска банка, слично на нејзиниот американски конкурент „Goldman Sachs“.
„„Deutsche“ треба да се ослободи од банкарството на мало. „Deutsche“ не е „Goldman Sachs“, но последната е добар пример за подражување“, напиша во својата забелешка до инвеститорите неодамна аналитичарот на „Jefferies“, Омар Фал.
Голем број од големите акционери во „Deutsche“ биле цитирани од „FT“, дека ќе сакаат да ја видат банката со силни позиции во инвестициското банкарство. Многу од нив сепак ја поддржуваат идејата за разделба со „Postbank“, бидејќи таа генерира релативно ниски приноси во средствата од 144 милијарди евра, од кои повеќето се концентрирани во хипотеки.
Банкарство на мало во Германија е помалку профитабилно, отколку во другите земји, главно поради силната конкуренција на помалите провинциски штедилниците.
