Веспрем ќе му биде противник на Брест Мешков во финалето на завршниот турнир во СЕХА лигата, откако во второто полуфинале, во драматична завршница, славеше над ППД Загреб со 25:24 (14:10).
Дуелот во Веспрем арена беше целосно рамноправен до 24.минута и резултат 10:10, иако Веспрем имаше предност во 16.минута од 9:5. Загреб во наредните осум минути се врати во мечот и израмни на 9:9.
Веспрем во последните шест минути со головите на Нилсон, Гулијаш, Иванчик и Цајц на полувреме замина со предност од 14:10.
Унгарскиот шампион предноста која ја стекна во првиот дел без поголеми проблеми ја одржуваше се до 45.минута и резултат 21:16. Загреб во последните 15 минути успеа да се врати во мечот, полека ја топеа предноста на противникот играчите на Веселин Вујовиќ, а со двата гола на Степанчиќ во последната минута влегоа со нерешен резултат 24:24.
Чема Родригез потоа погоди за 25:24, Загреб тргна во напад во кој исклучување заработи Шуч, со играч повеќе левото крило Ковачевиќ не успеа да го совлада Миклер.
Илиќ, Родригез и Иванчик со по пет гола беа најефикасни во тимот на Веспрем, додека кај ППД Загреб Хорват постигна четири гола, а четворица играчи постигнаа гол помалку.
Финалето помеѓу Веспрем и Брест Мешков ќе се одигра в недела од 18 часот, додека во 15:30 часот во „малото финале“ ќе играат ППД Загреб и Вардар.
