Владата на Србија денеска го усвои текстот од Спогодбата со Соединетите Американски Држави за директни авионски летови помеѓу двете држави.
„Спогодбата претставува остварување на една од најзначајните цели во развој на националниот авио-превозник и делумно поврзување на економиите на двете држави, дополнително вработување, развој на аеродромската инфраструктура, бидејќи ќе поттикне изградба на други писти и на терминали“, стои во соопштението на српската влада.
Притоа се истакнува дека со овој договор ќе се крене вредноста на „Ер Србија“, а аеродромот Никола Тесла ќе стане поатрактивен за потенцијални инвеститори и ќе стане регионален центар.
