Брест Мешков ќе му биде противник на Вардар во полуфиналето на завршниот турнир во СЕХА ракометната лига. Втората полуфинална двојка ја формираа домаќинот на турнирот Веспрем и ППД Загреб.
Брест Мешков во првото четвртфинале славеше над Нексе со 28:24, додека ППД Загреб изнендувачки лесно го совлада Татран Прешов со 33:26.
Полуфиналните натпревари на турнирот на кој Вардар ја брани титулата ќе се одиграат в петок, дуелот Вардар-Брест Мешков ќе започне во 17:45 часот, додека од 20:15 својот меч ќе го одиграат Веспрем и ППД Загреб.
Натпреварот за третото место и мечот за титулата ќе се одиграат в недела на 29.март.