Фудбалскиот клуб Каљари му врачи отказ на тренерот Џанфранко Зола и за негов наследник најверојатно ќе го избере Зденек Земан.
Зола, кој беше донесен како спасител, доби отказ поради лошите резултати, кои кулминираа со неделниот пораз од Сампдорија (2:0).
По последниот пораз Каљари заедно со Чезена се наоѓа на претпоследното место во Серија, двата тима имаат по 20 бодови.
Интересно, Земан во декември 2014-та година доби отказ во Каљари, откако на 16 натпревари забележа со тимот само две победи.