Градоначалникот на општина Дебар Ружди Лата кој учествуваше на Балканската Конференција во Истанбул на општини од повеќе држави од регионот, изјави дека бизнисмените од Турција и владината агенцијата ТИКА најавиле нови инвестиции во повеќе градови во Македонија, а со тоа и во Дебар.
Лата рече дека нема некоја идеологија во однос на инвестициите од Турција, туку бизнисот е интерес кога е во прашање работата на турските инвеститори.
Голем е бројот на иселениците од Македонија кои имаат бизниси и сакаат да инвестираат во родните краишта, додаде Лата, укажувајќи и на фактот дека големата децентрализација на локално ниво влијае многу позитивно во силниот развој на општините во Турција.
