Екипата на Париз Сен Жермен многу вложува, но и многу троши. Богатите Арапи од Катар не ги штедеа своите пари за клубот од престолнината на Франција да се најде на лидерската позиција во домашното првенство, но и со успех да настапува во Лигата на шампионите.
Па така минатата сезона клубот ја заврши со загуба од 5.45 милиони евра.
Приходите на ПСЖ изнесувале 222 милиони евра, 121 милиони повеќе отколку во сезоната 2010-2011. Сепак, 117 милиони евра се потрошени само за платите на играчите, со што расходот беше зголемен за 69 проценти од претходната година. Останатите расходи се за младинската школа, патните трошоци, трансфери, сметките за вода, струја, плати и се останато.
