Хокејарскиот клуб ‘‘ Металург‘‘ од Скопје во рамките на Балканската Хокеј Лига во Софија викендов одигра три натпревари против екипите на Дњепар, Динамо и Ледени Ѓаволи екипи од Бугарија.
Во првиот натпревар одигран во петокот (06.02.) против екипата на Дњепар екипата на Металург ја забележа петтата сезонска победа во регионалната БАХЛ лига со 4-1 (1-0, 2-0, 1-1).
Ова беше уште еден квалитетен натпревар сериозно нагласувајќи ги амбициите и потенцијалот за висок пласман оваа година.
Ова е втора победа над екипата на Дњепар откако во есенскиот дел Металург славеше со 4-0.
За Металург хет-трик постигна Стефан Децковски и еден гол постигна Дмитри Прокудин.
Вториот натпревар против екипата на Динамо се одигра во саботата (07.02.) во еден многу интересен и доста тврд натпревар од самиот почеток екипата на Металург славеше со 4-0 (0:0, 0:2,0:2) откако во втората и третата третина успеа да го скрши отпорот на домаќините. Шеста победа за зацврстување на врвот на табелата во БАХЛ лигата.
Головите помеѓу себе ги ‘‘поделија‘‘ Стефан Децковски и Дмитри Прокудин постигнувајќи по два погодоци.
Натпреварот помеѓу Ледени ѓаволи не се одигра бидејќи домаќините не се појавија на мразот. Службена победа од 5:0 за екипата на Металург.
