Корпорацијата Интел денес објави годишен приход од 55,9 милијарди долари, оперативен приход од 15,3 милијарди долари, нето приход од 11,7 милијарди долари и заработувачка по акција од 2,31 долари.
Компанијата заработила приближно 20,4 милијарди долари готовина од работење, платила дивиденди од 4,4 милијарди долари и искористила 10.8 милијарди за повторно да купи 332 милиони акции на берзата.
За четвртиот квартал, Интел објави приход од 14,7 милијарди долари, оперативен приход од 4,5 милијарди долари, нето приход од 3,7 милијарди долари и заработувачка по акција од 0,74 долари. Компанијата заработила приближно 5,8 милијарди долари готовина од работењето, платила дивиденди од 1,1 милијарди долари и искористила 4 милијарди долари за повторно да купи 115 милиони акции на берзата.
„Четвртиот квартал беше силен финиш на рекордна година,“ изјави генералниот директор на Интел, Брајан Крзанич. „Достигнавме и надминавме неколку важни цели: заживување на бизнисот со персонални компјутери, растење на бизнисот со дата центри, воспоставување на присуство кај таблети, проширување и иновација во нови области. Можеме да направиме повеќе во 2015. Ќе ја подобриме профитабилноста кај преносливите, мобилни уреди, истовремено Интел ќе остане фокусиран на следниот бран на компјутери.“
Годишно 2014 година, Клучни финансиски податоци и состојба на деловните единици
- PC Client Group оствари приход од 34,7 милијарди долари, зголемување за 4% од 2013 година.
- Data Center Group оствари приход од 14,4 милијарди долари, зголемување за 18% од 2013 година.
- Internet of Things Group оствари приход од 2,1 милијарди долари, зголемување за 19% од 2013 година
- Mobile and Communications Group оствари приход од 202 милиони долари, намалување за 85% од 2013 година
- Software and services оперативните сегменти оствариле приход од 2.2 милијарда долари, зголемување за 1% од 2013 година.
Четврт квартал (Q4) Клучни финансиски податоци и состојба на деловните единици
- PC Client Group, приход од 8,9 милијарди долари, намалување за 3% секвенцијално и 3% од година во година.
- Data Center Group приход од 4,1 милијарди долари, зголемување за 11% секвенцијално и 25% од година во година.
- Internet of Things Group приход од 591 милиони долари, зголемување за 12 проценти секвенцијално и 10 проценти од година во година.
- Mobile and Communications Group со негативен приход од 6 милиони долари, во рамки на очекуваното.
- Software and services оперативните сегменти оствариле приход од 557 милиони долари, рамно секвенцијално и намалување за 6 проценти од година во година.
| Финансиска споредба | |||
| Годишно | |||
| 2014 | 2013 | vs. 2013 | |
| Приход | 55.9 милијарди долари | 52.7 милијарди долари | зголемување 6% |
| Бруто маржа | 63.7% | 59.8% | зголемување 3.9 поени |
| R&D и MG&A | 19.7 милијарди долари | 18.7 милијарди долари | зголемување 5% |
| Оперативна добивка | 15.3 милијарди долари | 12.3 милијарди долари | зголемување 25% |
| Даночна стапка | 25.9% | 23.7% | зголемување 2.2 поени |
| Нето добивка | 11.7 милијарди долари | 9.6 милијарди долари | зголемување 22% |
| Заработувачка по акција | 2.31 долари | 1.89 долари | зголемување 22% |
| Финансиска споредба | |||
| По квартали од година во година | |||
| Q4 2014 | Q4 2013 | vs. Q4 2013 | |
| Приход | 14.7 милијарди долари | 13.8 милијарди долари | зголемување 6% |
| Бруто маржа | 65.4% | 62.0% | зголемување 3.4 поени |
| R&D и MG&A | 5.0 милијарди долари | 4.8 милијарди долари | зголемување 4% |
| Оперативна добивка | 4.5 милијарди долари | 3.5 милијарди долари | зголемување 25% |
| Даночна стапка | 21.4% | 26.1% | намалување 4.7 поени |
| Нето добивка | 3.7 милијарди долари | 2.6 милијарди долари | зголемување 39% |
| Заработувачка по акција | 74 центи | 51 центи | зголемување 45% |
| Финансиска споредба | |||
| По квартали секвенцијално | |||
| Q4 2014 | Q3 2014 | vs. Q3 2014 | |
| Приход | 14.7 милијарди долари | 14.6 милијарди долари | зголемување 1% |
| Бруто маржа | 65.4% | 65.0% | зголемување 0.4 поени |
| R&D и MG&A | 5.0 милијарди долари | 4.8 милијарди долари | зголемување 5% |
| Оперативна добивка | 4.5 милијарди долари | 4.5 милијарди долари | намалување 2% |
| Даночна стапка | 21.4% | 27.1% | намалување 5.7 поени |
| Нето добивка | 3.7 милијарди долари | 3.3 милијарди долари | зголемување 10% |
| Заработувачка по акција | 74 центи | 66 центи | зголемување 12% |
Деловна перспектива
Деловната перспектива на Интел не ги вклучува потенцијалните влијанија од какви било деловни комбинации, стекнување на средства, продажби или други инвестиции што можат да се извршат по 15-ти јануари.
Годишно 2015
- Приход: раст кај процентните поени од средни едноцифрени броеви.
- Процент на бруто маржа: 62 проценти, плус или минус неколку процентни поени.
- Потрошувачка за истражување и развој (R&D) заедно со здружување и стекнување (MG&A): приближно 20.0 милијарди долари, плус или минус 400 милиони долари.
- Амортизација на нематеријалните средства поврзани со стекнување: приближно 255 милиони долари.
- Депрецијација: приближно 8.1 милијарди долари, плус или минус 100 милиони долари.
- Даночна стапка: приближно 27 проценти.
- Капитална потрошувачка за целата година: 10.0 милијарди долари, плус или минус 500 милиони долари.
Q1 2015
- Приход: $13.7 милијарди долари, плус или минус 500 милиони долари.
- Процент на бруто маржа: 60 милиони долари, плус или минус неколку процентни поени.
- Потрошувачка за истражување и развој (R&D) заедно со здружување и стекнување (MG&A): приближно 4.9 милијарди долари.
- Трошоци за реструктурирање: приближно 40 милиони долари.
- Амортизација на нематеријалните средства поврзани со стекнување: приближно 65 милиони долари.
- Влијание на капитални инвестиции, камати и останато: приближно нула.
- Депрецијација: приближно 1.8 милијарди долари.
За дополнителни информации за деловната перспектива на Интел, погледнете го коментарот на главниот финансиски директор на веб-страницата: www.intc.com/results.cfm.
Статус на деловната перспектива
Деловната перспектива на Интел може да се најде на intc.com и може да се повторува на јавни или приватни состаноци со инвеститори и други. Деловната перспектива ќе биде ефективна до завршувањето на деловното работење, 13-ти март освен ако не се ажурира порано; со исклучок на деловната перспектива за амортизацијата на нематеријални срества поврзани со стекнување, влијанието на капиталните инвестиции, камата и останато и даночната стапка, кои ќе бидат ефективни само до завршувањето на деловното работење на 22-ри јануари. Таканаречениот тивок период на Интел ќе започне на 13-ти март до објавувањето на заработувачката за третиот квартал, кое е закажано за 14-ти април. Во текот на тивкиот период, сите деловни перспективи и други изјави кои се однесуваат на иднината објавени во објавите за новинарите и финансиските извештаи треба да се сметаат за минати, од гледна точка пред тивкиот период и кои не се ажурирани од страна на компанијата.
Фактори на ризик
Горенаведените искази и сите други во овој документ кои се однесуваат на плановите и очекувањата за четвртиот квартал, за годината и во иднина се далекусежни изјави кои вклучуваат голем број на ризици и неизвесности. Зборови како што се “предвидува“, “очекува“, “има намера“, “планира“, “верува“, “има за цел“, “проценува“, “може“, “ќе“, “треба“ и нивните варијации се вбројуваат во далекусежни изјави. Извештаи кои се однесуваат или се базираат на проекции, неизвесни настани или претпоставки, исто така се идентификуваат како далекусежни извештаи. Многу фактори можат да влијаат на реалните резултати на Интел, и разлики од сегашните очекувања на Интел во врска со таквите фактори, можат да предизвикаат реалните резултати материјално да се разликуваат од оние изразени во овие делекусежни изјави. Според Интел следните фактори се важни и би можеле да предизвикаат резултатите материјално да се разликуваат од очекувањата на компанијата.
- Побарувачката може да биде различна од очекувањата на Интел поради фактори кои вклучуваат промени во деловните и економски услови, вклучувајки ограничувања во снабдувањето и други пореметувања кои влијаат врз потрошувачите; прифаќањето од страна на потрошувачите на производите на Интел и на конкуренцијата; промени во порачките кои вклучуваат откажувања; како и промени во залихите на потрошувачите.
- Процентот на бруто маржата на Интел може значително да отскокнува од очекувањата во зависност од искорисутвањето на капацитетите; варијациите во вреднувањето на залихите, вклучувајќи варијации поврзани со времетраењето на квалификацијата на производите за продажба; промените во приходите; мешањето на сегментите на производите; времетраењето и изведбата на производствената линија и трошоците околу истата; почетни трошоци; одвишок или непотребни залихи; промени во цените на единиците; дефекти или прекини во обезбедувањето материјали или ресурси; квалитет во производството.Варијациите кај бруто маржата можат да бидат предизвикани и од времето на претставување на производот од страна на Интел, вклучувајќи маркетинг трошоци и можноста на Интел брзо да одговори на технолошките достигнувања и да претстави нови опции во постоечки продукти, што може да резултира со реструктурирање и промени.
- Резултатите на Интел би можеле да бидат погодени од лошите економски, социјални и физички/инфраструктурни околности во земји каде Интел, неговите клиенти или неговите добавувачи работат, вклучуваќи воен конфликт и други безбедносни ризици, природни катастрофи, нарушување на инфраструктурата, здравствени пречки и варирање на курсот на валутата. Резултатите можат да бидат афектирани и од формалното или неформално наметнување на нови регулативи од страна на државите за увоз/извоз или промени на постоечките регулативи што можат да се променат без претходно известување.
- Интел работи во поле на интензивно конкурентни индустрии се карактеризираат со висок процент на трошоци кои се фиксни или тешки за намалување на краток рок.
- Количината, времето и извршувањето на програмот за повторно купување на акции и дивиденди може да се промени во однос на користењето на готовина на Интел, како оперативно трошење, капитално трошење, купувања, како резултат на текот на готовина на Интел и промени кај даночните закони.
- Очекувањата за даночната стапка на Интел се базираат на тековниот закон за даноци и тековната очекувана добивка. Врз даночната стапка може да влијае надлежниот орган кој одредува како ќе го оданочи профитот; промените во предвидувањата за кредитите; решавањето на проблеми кои настануваат со ревизијата на данокот од даночната служба кои вклучуваат плаќање на казни и камати; како и способноста на компанијата да ги добие одложените даночни средства.
- Добивките или загубите од капиталните хартии од вредност како и каматите можат да варираат од очекувањата во зависнот од добивките и загубите во продажбата, размената, промените во проценетата вредност или оштетувањето на долгот и капиталните инвестиции; билансот на состојба и промени во проценетата вредност на деривативните инструменти.
- Дефекти кај продукти и грешки (девијации од објавените спецификации) можат да влијаат на нашите трошоци, приходи и репутација.
- Резултатите на Интел би можеле да бидат погодени од несаканите ефекти поврзани со дефекти на производи и исправки (дeвијација од објавени спецификации) и парничење, или регулаторни прашања кои вклучуваат интелектуална сопственост, акционер, потрошувачи, недоверба и други прашања, како што се парничење и регулаторни прашања опишани во (SEC) финансиските извештаи на Интел. Неповолна судска одлука би можела да ги вклучи монетарните штети или забрана за прозиводство или продавање на еден или повеќе производи, спречувајќи одредени деловни практики, да влијае врз можноста на Интел да ги дизајнира сопствените производи, или други решенија како задолжително лиценцирање на интелектуалната сопственост.
- Резултатите на Интел би можеле да бидат погодени од времето затворањето на стекнувањата и намалувањата.
Детална дискусија за овие и други фактори што можат да влијаат на резултатите на Интел, се вклучен во најновите извештаи Form 10-K и Form 10-Q.
Интернет пренос за заработувачката
Интел ќе одржи јавен интернет пренос денес, во 14 часот по дневно пацифичко време на својата веб страница за инвеститорите на: www.intc.com. Ќе има реприза на преносот, како и можност за преземање во MP3 формат.
Интел ќе поднесе извештај за својата заработувачка од првиот квартал од 2015 година на 14-ти април. Веднаш по ивештајот, компанијата планира да објави коментар на Стејси Џ. Смит, постар потпретседател и главен финансиски директор на: www.intc.com/results.cfm. Јавен интернет пренос на конференцијата за заработувачката на Интел ќе следува во 14 часот по дневно пацифичко време на www.intc.com.
