Европската фудбалска федерација го објави „Тимот на годината“ од страна на навивачите.
Преку гласањето на официјалната страна на УЕФА, приврзаниците на фудбалот од целиот свет имаа можност да ја состават својата идеална „единаесеторка“.
Во неа се најдоа четири играчи на Баерн Минхен, тројца на Реал Мадрид и по еден од Атлетико Мадрид, Барселона, Манчестер Јунајтед и ПСЖ.
Со најмногу гласови е добитникот на „Златната топка“, Кристијано Роналдо, следен од клубскиот колега во Реал, Серхио Рамос и голманот на Баерн, Мануел Ноер.
Еве го и целиот идеален тим, уреден во формација 4-3-3: Мануел Нојер – Филип Лам, Серхио Рамос, Диего Годин, Давид Алаба – Тони Крос, Анхел ди Марија, Ариен Робен – Лионел Меси, Кристијано Роналдо, Златан Ибрахимовиќ.
