Шефот на Формула 1, Берни Еклстоун призна пред еден месец дека компанија која тој ја управува доживува тешки финансиски проблеми. Според податоците на „Moody’s“, долговите на Формула 1 се 4.1 милијарди долари.
Неофицијално се знае дека за време на Големата награда на САД, три од тимовите („Lotus“, „Force India“ и „Sauber“) се заканиле со бојкот на трката заради распределбата на финансиите
Просечната проценка на тим од Формула 1 денес е околу 494 милиони долари, во однос на 337 милиони долари пред две години, пишува „Forbes“. Тимот на „Ferrari“ е оценет на 1,4 милијарди долари, а „McLaren“, „RedBull“ и „Mercedes“ односно на 810, 640 и 560 милиони долари.
Иако тимови како „Ferrari“ и „McLaren“ заработуваат милиони, останатите тимови не се справуваат толку добро. За 2013-та година девет тимови објавија загуба во просек од 28 милиони долари пред оданочување, камати, провизии и амортизација.
Аналитичарите очекуваат Еклстоун да објави иницијална јавна понуда што може да ја оцени компанијата на повеќе од 8 милијарди долари, што е 17 пати повеќе од годишните нејзините приходи во висина од 456 милиони долари. Вкупната оценка на Формула 1, сепак е доста повисока и таа изнесува 3,8 милијарди долари. Тука влегуваат телевизиските права, спонзорските договори и друго.
