Делегираниот министер за буџет Дариус Валков изјави дека Министерството за финансии не презема одговорност за објавените документи во медиумите за планирани даночни измени, како и дека ќе нема да поднесе оставка, ако се покаже дека документот е изработен од министерството.
Романските медиуми објавија документ, според кој од идната година се планирани различни даночни промени како укинување на рамниот данок и зголемување на даноците на имот, јави БТА.
Првично министерот Валков изјави дека претставниот во медиумите документ не е изработен од министерството за финансии. На прашањето дали е подготвен да поднесе оставка ако се докаже дека претставениот документ е изработен од министерството, Валков изјави дека не може да одговара за сите вработени во институцијата.
Министерот за финансии Јоана Петреску, во соопштение по повод пишувањата на медиумите, изјави дека не е согласна со укинувањето на рамниот данок и дека во нејзиното министерство не се разгледува таква можност.
