Довербата на швајцарските потрошувачи во националната економија се намали во месец октомври, па соодветниот индекс за потрошувачкото расположение кој на квартално ниво го пресметува Секретаријатот за економија (SECO) изнесувал минус 11 поени, во однос на минус еден поен во месец јули.
Најизразен пад имале подиндексите кои ја мерат довербата на потрошувачите во развојот на деловното опкружување, сигурноста на работата и очекувањата во поглед на стапката на невработеност, истакнува SECO.
Иако оценката на моменталната финансиска ситуација е стабилна во однос на претходната анкета, швајцарските домаќинства сметаат дека во наредните месеци нивниот капацитет за штедење ќе биде во опаѓање.
