Популарниот американски авто магазин „Motor Trend“ го организираше традиционалниот годишен избор за најдобар спортски-возачки автомобил.
Во изборот се најдоа десет најнови спортски модели кои во последно време се појавија на американскиот пазар: „Alfa Romeo 4C“, „BMW i8“, „BMW M4“, „Chevrolet Camaro Z/28“, „Ford Fiesta ST“, „Jaguar F-Type R Coupe“, „Nissan GT-R Nismo“, „Porsche 911 Turbo S“, „Subaru WRX STI“ и „Volkswagen Golf GTI“.
„Ferrari 458 Speciale“ и „McLaren 650S“ не влегоа во изборот, затоа што производителите не сакале да учествуваат. Редакцијата на „Motor Trend“ наместо овие автомобили пуштија снимка од кокошки, што во Америка симболизира кукавичлук.
Недостасуваа и „Chevrolet Corvette Z06“ и „Porsche 911 GT3“, затоа што за време на тестирањето не биле на располагање.
Суштината на тестирањето не била за тоа да се утврди кој модел е најбрз на патот или на тркачката патека. Целта на „Motor Trend“ е од понудените автомобили да го одберат оној кој буди најмногу емоции и нуди најдобро чувство во возењето.
По објавените тестирања по ридските патишта во Калифорнија и на патеката „Лагуна Сека“, а своите впечатоци и мислења ќе изнесоа експерти и возачи тркачи.
Погледајте како изгледа изборот на „Motor Trend“ и кој модел е прогласен за најдобар спортски во 2014-та:
Сега кога го погледнавте конечниот редослед на сите десет автомобили кои учествуваа во овој избор, не интересира вашето мислење и како би изгледала вашата топ листа.
