На Економскиот факултет при Универзитетот „Св. Кирил и Методиј“ денеска ќе се одржи Меѓународна конференција за евроазиски економии 2014.
Конференцијата е во организација на Бејкент Универзитетот од Турција, Туркманас Универзитетот од Киргистан, а домаќин е Универзитетот „Св. Кирил и Методиј“ во Скопје.
Најавени се обраќања на деканот на Економскиот факултет проф. д-р Љубомир Дракулевски, проректорот за меѓународна соработка на УКИМ проф. д-р Мери Цветковска и проф. д-р Мехмет Емир Карахан, ректор на Бејкент Универзитетот од Турција.
На работните сесии на конференцијата со свои трудови ќе се претстават околу 200 истакнати професори од регионот на Евроазија.
