Во Катар во моментов има 1,4 милиони работници емигранти. Земјата се подготвува за домаќинство на Светското првенство во фудбал во 2022-та година.
Многу од овие работници се дојдени од сиромашните области на Азија и работат под услови кои се нешто како модерно ропство. Тие не можат да го напуштат Катар без виза за напуштање, а не можат да добијат таква виза без согласност на работодавачот.
Од Светската конфедерација на синдикатите проценуваат дека околу 4.000 од нив ќе загинат до 2022-та година, кога се за Светското првенство треба да биде готово.
Од „ESPN“ патуваа до Катар и снимија ужасни услови во кои живеат луѓето. Новинарите го посетиле кампот на имигранти работници во Доха. Тој е во состојба на апсолутна беда. Работниците во него се мачат во текот на денот на страшна жештина, а навечер спијат во ужасниот камп.
Индиската амбасада соопшти дека 241 индиски работници починале во Катар во 2013-та година. Од амбасадата на Непал рекоа дека нивните жртви се 185 за минатата година. Стравувањата се дека овие единици ќе се зголемуваат со приближување на роковите за настанот.