Секоја компанија има свој начин за подобрување на односот помеѓу фирмата и клиентелата. Ако мислите дека вашата компанија е посебна погледнете што советува порталот Entrepreneur.
Секој корисник и клиент е важен за компанијата. Еднакво се важни потенцијалните клиенти, како и верните потрошувачи. Новото време со себе донесе бројни промени во овој сегмент. За да се оттргнете од повеќето компании кои на едноличен начин покажуваат грижа за своите клиенти, порталот Entrepreneur препорачува пет начини за подобрување на односот меѓу клиентите и корисниците.
1.Поправете го своето „благодарам“
Повеќето компании имаат свои службени меилови преку кои им се заблагодаруваат на сопствените корисници. Со овој начин на клиентите им се обраќате како на маса народ, а не како на подинец кој е важен за компанијата. Иако е тешко, поготово кога се работи за голем број на луѓе на кои треба да им се обратите, напишете нешто посебно и различно, на тој начин ќе имате поголем простор за напредок. Наместо само да се заблагодарите преку меил, можете да ги додадете контактите на кои потрошувачите можат да ви се обратат за посебните погодности кои ги нуди вашата компанија, како и за идните планови.
2.Изградете канали за повратни информации
На различни начини клиентите им даваат повратни информации на компаниите за искуствата кои ги имале. Овозможете им и вие на вашите клиенти на едноставен начин да можат да кажат одредена критика или пофалба за вашата работа.
3.Не гледајте ги само незадоволните
Повеќето компании се насочуваат на потребите на корисниците во моментот кога корисниците повеќе не сакаат да соработуваат со нив. Тогаш е веќе прекасно, бидејќи штетата е веќе направена. Сослушајте ги и ситните коментари на верните клиенти, за да не дојде до прекин на соработката.
4.Задолжете некој од вработените да се занимава само со овој сегмент
Ако вашата компанија се осврнува на критиките на клиентите само еднаш годишно, тоа значи дека не се грижите доволно. Огранизирајте се на начин на кој што барем еднаш неделно, ако не и почесто, ќе проверите што им пречи, а што им одговара на вашите клиенти.
5. Не размислувајте само на добивките и губитоците
Повеќето компании се осврнуваат само на добивките и губитоците. Во тој сегмент се е тековно и прецизно, додека сегментот кој овозможува работни резултати најчесто се занемарува. Иако треба да вложите доста труд така што во секој момент би се знаело на што реагира пазарот, тој труд многу ќе ви се исплати. Лојалноста на клиентите зависи од вас. Ако клиентите се задоволни, вие и вашата компанија сте одговорни за тоа задоволство. Исто така еднакво сте одговорни и за незадоволството.
