28 март, 2024
ПочетнаЗДРАВЈЕКифоза – искривување на ’рбетот

Кифоза – искривување на ’рбетот

Кифозата, уште позната и под терминот грпка, е искривување на горниот дел од грбот. Малото искривување не е патолошко, но кога се работи за кифоза, тогаш тоа може да зафаќа агол од 50 степени. Кифозата може да биде незабележителна, но може да го даде карактеристичниот грбав изглед.

Симптомите на кифоза вклучуваат: грбавост, умерена грбна болка, грбна вкочанетост и замор.

’Рбетниот столб е составен од пршлени, кои се поврзани едни со други преку силни, фиброзни врски (лигаменти).

Постојат повеќе групи на пршлени, и тоа: вратни, градни, слабински, крстни и опашни.

Кифозата е искривување на градната група на пршлени.

Кај деца и адолесценти, најчестите типови на кифоза се: постурална кифоза, Шерманова кифоза и конгенитална (вродена) кифоза Кај возрасните, кифозата се јавува поради остеопороза, дегенеративен артритис на ’рбетниот столб, анкилозантен спондилитис, туберкулоза на коски, карцином.

Третманот на кифоза зависи од причината која е одговорна за нејзина појава, како и од знаците и симптомите кои се присутни.

Пациентот најпрво мора да отиде на специјалист –ортопед, кој потоа заедно со специјалист – физијатерапевт ќе одредат дали кифозата ќе се лекува со ортопетски помагала, или пак доколку искривувањето е поголемо и предизвикува други проблеми, ќе се оди на операција.

НАЈНОВИ ВЕСТИ

ХОРОСКОП