Индустриското производство во Јапонија се зголеми за 2,4 проценти во декември, покажаа ревидираните податоци на јапонската влада, потенцирајќи го заздравувањето на производството во секторот за транспортна и производствена опрема.
Во првичните проценки владата прогнозираше раст на производството за 2,4 проценти. Во ноември производството опадна за 1,4 проценти.
На годишно ниво јапонското индустриско производство во последниот месец од минатата година падна за 7,9 проценти.
Индексот за искористеноста на капацитетите на фабриките се зголеми во декември за 2,9 проценти во споредба со ноември кога изнесуваше 84,6 поени.
