Екипата на Атланта оствари важна победа во борба за пласман во плеј-офот откако ноќеска славеше на гостувањето кај Индијана со 107:88.
На овој натпревар Македонецот Перо Антиќ постигна за него рекордни 18 поени и притоа имаше шест скокови.
Натпреварот беше решен во првиот дел што заврши со резултат 55:23 за гостите.
Во борбата за учество во разигрувањето за титулата на Атланта во прилог и беше и поразот на Њујорк од шампионот Мајами.
Со триумфот над Њу Орлеанс, Портланд е петтата екипа од Западната конференција што избори пласман во плеј-офот, а Сан Антонио е првата екипа што стигна до 60.та победа сезонава.
Резултати на ноќешните натпревари од НБА лигата: Индијана – Атланта 88:107, Мајами – Њујорк 102:91, ЛА Клиперс – ЛА Лејкерс 120:97, Сакраменто – Далас 91:93, Хјустон – Денвер 130:125 (продолжение), Сан Антонио – Мемфис 112:92, Голден Стејт – Јута 130:102, Феникс – Оклахома Сити 122:115 и Портланд – Њу Орлеанс 100:94.
Пласман Источна конференција: Мајами 53-23 (победи-порази), Индијана 53-25, Торонто 45- 32, Чикаго 45-32, Бруклин 42-34, Вашингтон 40-37, Шарлот 39-38, Атланта 34-42, Њујорк 33- 45,…
Пласман Западна конференција: Сан Антонио 60-17, Оклахома Сити 55-21, ЛА Клиперс 55- 23, Хјстон 51-25, Портланд 50-28, Голден Стејт 48-29, Далас 47-31, Феникс 46-31, Мемфис 45- 32,…