29 март, 2024
ПочетнаИНТЕРЕСНОНајплатените национални тренери во фудбалот

Најплатените национални тренери во фудбалот

treneri plateni

Во фудбалот денес се влеваат многу пари. Без сериозно финансирање не може да се има тим со добри играчи. Сепак од суштинско значење е тренерот на екипата. Тоа се високоплатените стратези кои заработуваат милиони годишно.

Погледнете кои се најплатените тренери на национални тимови во фудбалот денес:

7. Висенте дел Боске, Шпанија – 3.26 милиони долари годишно.

treneri plateni7

Дојде на чело на тимот на Шпанија во јули 2008-та година. Под негово раководство Шпанците го освоија Светскиот куп во фудбал во 2010-та година и европската титула во 2012-та година. На клубско ниво 63-годишниот стратег беше тренер на Реал Мадрид. Периодот во кој тој беше на чело на Реал Мадрид е најуспешниот за тимот во историјата. УЕФА го избра Дел Боске за тренер на 2000-та и 2002-ра година.

6. Јоаким Лев, Германија – 3.48 милиони долари годишно.

treneri plateni6

Тој е поранешен фудбалер. Од 2006-та година е на чело на тимот на Германија. Под негово раководство Германија го освои третото место на Светското во фудбал во 2010-та година и стигна во полуфиналето во 2012-та година.

5. Отмар Хицфелд, Швајцарија – 3.61 милиони долари годишно.

treneri plateni5

Тој го изгради своето име во Борусија Дортмунд и Баерн Минхен. Стана тренер на националниот тим на Швајцарија во 2008-та година. Под негово раководство Швајцарците се пласираа на Светското првенство во 2010-та година. Тој има 64 години и веќе најави дека по Светското првенство оваа година ќе се повлече од фудбалот.

4. Луиз Фелипе Сколари, Бразил – 3.83 милиони долари годишно.

treneri plateni4

Тој стана тренер на тимот на Бразил во 2001-ва година, а во 2002-ра година со тимот ја освои светската титула. На крајот на 2002-ра година се повлече од функцијата, но се врати во 2012-та година. Тој има 65 години и освен на Бразил беше уште селектор на Кувајт и Португалија, а на клубско ниво има работено со Челзи и други.

3. Чезаре Прандели, Италија – 4.16 милиони долари годишно.

treneri plateni3

Стана тренер на Италија во 2010-та година, а ја презеде функцијата од Марчело Липи. Во почетокот на 80-тите години тој беше еден од клучните играчи на Јувентус, со кои бил постојано шампион на Италија.

2. Рој Хоџсон, Англија – 4.91 милиони долари годишно.

treneri plateni2

Тој бил тренер на 16 различни екипи во 8 земји, меѓу кои Швајцарија, Финска и Англија.

1. Фабио Капело, Русија – 10.84 милиони долари годишно.

treneri plateni1

Тој е највисокоплатениот тренер на национален тим во светот и петтиот највисокоплатен, ако се спореди со клупските тренери. Од 2012-та година е тренер на тимот на Русија и изјави дека сака да остане на оваа функција до крајот на 2018-та година. Тој имаше многу успешни сезони со Милан и Реал Мадрид.

НАЈНОВИ ВЕСТИ

ХОРОСКОП